nânitaw nikotwâsomitanaw askiy ê-oskakimiht sâkicawâsihk kî-ispiciw Allen Sapp,
êkospî ohci êkota wa-wîkiw. âhkami-tâpasinahikêw êkwa mîna miywêyihtam ta-papâ-pwâtisimot. têpakohpomitanaw nânitaw itahtopiponêw awa; Sapp miywêyihtam ka-itohtêt itê kâ-mâmawastêyiki otâpasinahikêwina, miywêyihtam ê-wâpamât ayisiyiniwa, omânitêwa, wâwîs awâsisa. kâ-kapê-ayihk wâpahcikâtêyiwa otâpasinahikêwina Allen Sapp. Marcus Miller isiyihkâsow ana kâ-pimipayihtât anihi tâpasinahikêwina, tahto nikotwâsik pîsim mêskôtastâw kotaka ê-wâpahtihiwêt anihi tâpasinahikêwina.
âhkami-tâpasinahikêw Allen êkwa pikw îtê ôta kitaskînâhk wâpahtahiwâniwan otâpasinahikêwina. masinahikanihk mîna cikâstêpayihcikanihk ay-âtocikâtêyiwa Allen opimâtisiwin mîna otâpasinahikêwin. Dr. Gonor kâ-kî-itiht owîkimâkana, Mrs. Gonor, kêyâpic ôhi iskwêwa Allen otôtêmikow; kêyâpic mîna Mrs. Gonor sîtoskam anima tâpasinahikêwikamik.
